ਗੁਰੂ ਗ੍ਰੰਥ ਸਾਹਿਬ ਦੇ ਪਾਵਨ ਸਰੂਪ ਇਟਲੀ ਰਵਾਨਾ

ਅੰਮ੍ਰਿਤਸਰ,20ਅਪ੍ਰੈਲ(ਸਰਵਨ ਸਿੰਘ ਰੰਧਾਵਾ):-ਵਿਦੇਸ਼ਾਂ ਵਿਚ ਵਸਣ ਵਾਲੇ ਸਿੱਖਾਂ ਦੀ ਮੰਗ ’ਤੇ ਐਸਜੀਪੀਸੀ ਵਲੋਂ ਤਿਆਰ ਵਿਸ਼ੇਸ਼ ਬੱਸ ਦੇ ਰਾਹੀਂ ਬੀਤੇ ਦਿਨ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ 450 ਪਾਵਨ ਸਰੂਪ ਇਟਲੀ ਦੇ ਲਈ ਰਵਾਨਾ ਕੀਤੇ ਗਏ। ਬੱਸ ਨੂੰ ਮੁੰਬਈ ਬੰਦਰਗਾਹ ਤੋਂ ਜਹਾਜ਼ ’ਤੇ ਇਟਲੀ ਭੇਜਿਆ ਜਾਵੇਗਾ। ਇਸ ਤੋਂ ਪਹਿਲਾਂ ਆਯੋਜਤ ਸਮਾਰੋਹ ਵਿਚ ਤਖ਼ਤ ਸ੍ਰੀ ਕੇਸਗੜ੍ਹ ਸਾਹਿਬ ਦੇ ਜਥੇਦਾਰ ਤਿਰਲੋਚਨ ਸਿੰਘ ਨੇ ਅਰਦਾਸ ਕੀਤੀ। ਮੁੰਬਈ ਤੋਂ ਫੋਨ ਕਰਕੇ ਗੱਲਬਾਤ ਵਿਚ ਐਸਜੀਪੀਸੀ ਸਕੱਤਰ ਦਲਮੇਘ ਸਿੰਘ ਨੇ ਦੱਸਿਆ ਕਿ ਅਰਦਾਸ ਤੋਂ ਬਾਅਦ ਪਵਿੱਤਰ ਸਰੂਪ ਮਾਣ ਮਰਯਾਦਾ ਦੇ ਨਾਲ ਇਟਲੀ ਰਵਾਨਾ ਕੀਤੇ ਗਏ। ਪਾਵਨ ਸਰੂਪਾਂ ਨੂੰ ਇਟਲੀ ਭੇਜਣ ਦੇ ਲਈ ਸਾਊਦੀ ਅਰਬ ਦੀ ਸਮੁੰਦਰੀ ਜਹਾਜ਼ ਕੰਪਨੀ ਸਾਊਦੀ ਅਬਹਾ ਦੇ ਨਾਲ ਕਰਾਰ ਕੀਤਾ ਗਿਆ ਹੈ। ਵਿਸ਼ੇਸ਼ ਬੱਸ ਨੂੰ ਸਮੁੰਦਰੀ ਜਹਾਜ਼ ਵਿਚ ਬਣਾਏ ਗਏ ਵਿਸ਼ੇਸ਼ ਕੈਬਿਨ ਵਿਚ ਰੱਖਿਆ ਗਿਆ ਹੈ। ਇਸ ਤੋਂ ਇਲਾਵਾ ਜਹਾਜ਼ ਵਿਚ ਕੋਈ ਹੋਰ ਚੀਜ਼ ਨਹੀਂ ਲੈ ਜਾਵੇਗਾ।